E RËNDËSISHME
Kthehet Migjen Basha, Torino fiton
1 March, 2015 @23:25
Mefsushori i kombëtares shqiptare, Migjen Basha, i është kthyer ekipit të Torinos duke u futur në minutat e fundit të ndeshjes së sotme, ku ekipi i tij mposhti Napolin me rezultat minimal 1-0.
Basha, që është operuar kohë më parë ka munguar gjatë gjithë stinorit për ekipin torinez, derisa sonte ka shënuar rikthimin e tij duke u futur në minutën e fundit të takimit nga trajneri i Torinos, Giampiero Ventura në lojë.
Torino ka vazhduar formën e saj të mrekullueshme duke mos humbur që prej nëntorit të vitit të kaluar në Serie A, derisa polaku Kamil Glik ka shënuar golin e fitores ndaj ekipit të Rafa Benitezit, që ka pësuar për herë të dytë brenda tre xhirove të fundit.
Kthimi i Bashës në ekip të parë të Torinos është lajm tejet i mirë për kombëtaren shqiptare dhe trajnerin e saj Gianni De Biasi, para ndeshjes tejet të rëndësishme të Shqipërisë ndaj Armenisë që luhet në fund të këtij muaji.
