NESËR MBRËMA
Drilon Hajrizi duke shikuar ndeshjen e Pejës në Superligë këtë sezon/ TOPSPORTI/ Arian Paçarizi
Kthimi i Drilonit, do të ndryshojë Pejën
12 November, 2019 @21:00
Njëri ndër përforcimet më të bujshme të verës te Peja, Drilon Hajrizi, pritet t’i kthehet verdhezinjëve nesër mbrëma, kur ekipi luan ndaj Vllaznisë së Shkodrës në Karagaç.
Faqja zyrtare e Pejës në Facebook ka bërë të ditur se pas 10 ndeshjeve të para të sezonit, Hajrizi do t’i kthehet ekipit, në përballjen ndaj shkodranëve.
Sa i përket bilancit, Peja deri tash ka zhvilluar vetëm një duel në BIBL këtë sezon dhe atë e ka fituar ndaj Rahovecit.
Edhe shkodranët e kanë zhvilluar një duel, të cilin e kanë humbur nga Ibri i Rozhajes. Ndeshja Peja - Vllaznia nis në ora 19:00, të mërkurën mbrëma, 13 nëntor 2019, në Karagaç, ndërsa do të transmetohet nga TV Dukagjini.
