Prishtina në ndeshjen që mund të përcaktojë fatin

Kampionia e Kosovës në basketboll, Prishtina, ka udhëtuar të martën dhe ka arritur në Nikozi të Qipros, ku do të përballjet me Apoelin, të mërkurën më 12 nëntor 2019 në kuadër të FIBA Europe Cup.

Prishtina ka mposhtur Apoelin në Pallatin e Rinisë dhe të Sporteve, ndërsa pas kësaj ka regjistruar dy humbje, duke u mposhtur nga mediBayreuth dhe Ventspils, të cilët edhe kryesojnë Grupin C të FIBA Europe Cup.

Apoeli nuk ka asnjë fitore në grup, ndërsa Prishtina një. Fitorja e bardhekaltërve në këtë përballje do të shtonte gjasat e tyre për të shpresuar në fazën e dytë grupore të garës.

Mirëpo, në anën tjetër, ekipi, siç është bërë e ditur nga Koha ditore, nuk ka marrë me vete dyshen e suspenduar Edmond Azemi dhe Dardan Berisha. Dyshja kapitene e Prishtinës ka pasur një konflikt verbal në përballjen e fundjavës në Superligë ndaj Rahovecit dhe klubi ka njoftuar për suspendimin e tyre.

E duke ditur se dyshja Berisha - Azemi janë më të mirët e ekipit dhe pjesë kyqe - kampionia e Kosovës pritet të ketë punë tepër të vështirë në përballjen që nis në Eleftheria Sports Arena prej orës 17:00.

TABELA AKTUALE E GRUPIT C:

1. Ventspils 3-0
2. mediBayreuth 2-1
3. Prishtina 1-2
4. Apoel 0-3.