Kuqezinjtë mbesin në të njëjtën pozitë

Pa ndeshje të zhvilluara gjatë muajit që po e lëmë pas dhe me përgatitje për muajin që po vjen si dhe të pandikuar nga ndeshjet e zhvilluara në kontinente tjera, Shqipëria ka mbetur në pozitën e 66 të renditjes së FIFA edhe për muajin maj 2021.

Kuqezinjtë që kanë pasur nisje të mirë në kualifikime për Botëror, nuk kanë arritur të lëvizin shumë përkundër fitoreve ndaj kombëtareve të dobëta si ajo e San Marinos dhe Andorrës, derisa humbja ndaj Anglisë ka qenë e pritur.

Gjithsesi, duelet miqësore të qershorit - që janë të vështira pritet të jenë cak i mirë për pikët në renditjen e ardhshme të FIFA, pasi që kuqezinjtë nuk janë pjesë e Evropianit EURO 2020.

Shqipëria ka mbetur në pozitën e 66 një pozitë pas Arabisë Saudite 65, dhe një mbi Hondurasin 67.