GRIZZLIES - LAKERS
FOTO/ nba
Lakers buzëqesh me LeBronin
9 December, 2018 @11:51
Los Angeles Lakers, me ndihmën e LeBron Jamesit, e mposhti Memphis Grizzliesin me rezultat 88-111.
Ishte një ndeshje e lehtë për Jamesin dhe shokët e tij, ku epërsinë gjatë ndeshjes e ngritën deri më 29 kundër “arushave” të Mempisit, që arritën ta mbajnë deri në fund.
LeBron James në këtë ndeshje ishte shumë afër shifrave triple-double prej 20 pikëve, 9 asistimeve e 8 kërcimeve, derisa ndihmë mori edhe nga Kyle Kuzma me 20 pikë të tjera.
Te Memphisi u dallua Wayne Selden me 17 pikë.
Lakers me 16 fitore e 10 humbje gjendet në pozitën e pestë në Konferencën Perëndimore, derisa Memphisi ka bilanc prej 15 fitoreve e 10 humbjeve deri më tani.
