LAKERS - WARRIORS
LeBron James dërgon Lakersat në Play Off, shpreson ende Warriors
20 May, 2021 @11:27
Kampioni aktual i NBA-së, Los Angeles Lakers, me shënimin e LeBron Jamesit në sekondat e fundit, e mposhti Golden State Warriorsat me rezultat 103-100 dhe u kualifikua në Play Off.
Super ylli James nuk e nisi mirë ndeshjen. Ai në pjesën e parë shënoi vetëm 1 herë në 7 tentimet e tij, derisa në pjesën e dytë ndodhi e kundërta.
Në ndeshjen ku rezultati ishte i ngushtë, LeBron James e mori përgjegjësinë dhe me shënimin e tij në sekondat e fundit, ia solli kualifikimin skuadrës.
James në këtë ndeshje luajti me shifrat magjike triple-double prej 22 pikë, 11 kërcimeve e 10 asistimeve, derisa u ndihmua edhe nga partneri i tij Anthony Davis me 25 pikë e 12 kërcime.
Në anën tjetër Stephen Curry shkëlqeu me 37 pikë e 7 kërcime, por nuk mjaftoi për fitore.
Los Angeles Lakers në Play Off do të takohet me Phoenix Suns, kurse Warriors do të përballet me Memphis Grizzlies për biletën e fundit të Play Offit.
