GAME 1: LIBURNI - BESA
BOROZANI/ G. P.
Liburni triumfon në duelin e parë
17 May, 2018 @22:37
Skuadra nga Gjakova, Liburni, ka arritur të shënojë fitore në ndeshjen e parë të PlayOffit të Superligës së futsallti sonte, duke e mposhtur Besën e Pejës me rezultat 3-2.
Ka qenë një ndeshje mjaft atraktive në Shani Nushi të Gjakovës sonte, ku ekipet kanë shënuar dhe kanë treguar lojë shumë të mirë, pranë afro 1 mijë shikuesve të interesuar për lojë.
Për t’u përmenduar nga golat e shënuar është goli i tretë i vendasve, gol i cili erdhi nga një lëvizje maestrale e Arbër Dobroshit, i cili sonte ishte një nga më të dalluarit te kampioni në fuqi i Kosovës.
Kjo ka qenë ndeshja e parë e PlayOffit dhe Liburni ka marrë epërsinë 1-0 në seri. Dueli i radhës zhvillohet në Karagaç. Në rast se fiton Besa, zhvillohet edhe ndeshja e tretë e serisë, në Gjakovë, për tu përcaktuar përfundimisht finalisti i Superligës.
