Lila lëndohet në debutim

Futbollisti i kombëtares shqiptare, Andi Lila, që kaloi këtë afat kalimtar te Parma nga Giannina, ka debutuar mbrëmë për ekipin e tij të ri. 

Mirëpo, debutimi për ‘te ka qenë jo për tu kujtuar, pasi që pas 13 minutave lojë ai është larguar nga loja për shkak të një lëndimi, duke mos arritur të vazhdojë ndeshjen e Coppa Italia ndaj Cagliarit, të cilën Parma e fitoi në fund 2-1. 

Mjekët e klubit italian ende nuk kanë bërë të ditur seriozitetin e lëndimit të lojtarit të kuqezinjëve. 

Parma me fitoren e mbrëmshme ka siguruar çerekfinalen e Kupës së Italisë, ku pret fituesin e ndeshjes Juventus-Verona.