Jam këtu për ngritjen e Interit

Ylli i ri i Interit, Xherdan Shaqiri, që ditë më parë kaloi te ekipi milanez, ka treguar se pse zgjodhi këtë ekip. 

“Kam pasur oferta, por zgjedhja ime gjithmonë ka qenë e qartë. Trajneri më ka treguar projektin, unë i besova fjalëve të tij dhe tashmë dua t’i ndihmojë ekipit kthimin në nivele të larta,” ka thënë Shaqiri, në konferencën e sotme për shtyp në zyret e klubit. 

“Para klubeve tjera që më kërkonin, unë gjithmonë e doja Interin. Me këtë u vërtetova që kam bërë mirë me të arritur këtu,” ka shtuar ai. 

Duke bërë të ditur se është tashmë i gatshëm për t’i ndihmuar Interit në ndeshjet e radhës, Shaqiri, që kaloi nga Bayerni te Interi, pritet të debutojë në ndeshjet e radhës të ekipit Neroazzurr. 

Shaqiri ka qenë i kërkuar edhe nga Juventus e Liverpool, por ai i ka refuzuar këto klube për Interin, derisa ka falenderuar tifozët për pritjen e mrekullueshme që ia kanë bërë kur arriti në aeroport të Milanos.