Lista e futbollistëve dhe orari i kualifikueseve për U17

Federata e Futbollit e Kosovës është organizatore e turneut kualifikues për kombëtaret nën 17-vjeç për Evropianin ‘Hungaria 2023’. Kosova bën pjesë në Grupin 8 së bashku me Italinë, Greqinë dhe Finlandën.

Ndeshjet e këtij grupi do të zhvillohen më 5, 8 dhe 11 tetor në stadiumet “Fadil Vokrri” në Prishtinë dhe “Zahir Pajaziti” në Podujevë. Kosova ndeshjen e parë e luan të mërkurën kundër Italisë, në orën 16:00, në stadiumin “Fadil Vokrri”, e ku do të marrin pjesë edhe kryetari Agim Ademi dhe shefi i futbollit në UEFA, Zvonimir Boban.

Në këtë fazë kualifikuese janë 13 grupe, ku dy skuadrat e para në secilin grup do t’i bashkohen Holandës dhe Spanjës në raundin elitar që zhvillohet në pranverë, së bashku me katër skuadrat e vendeve të treta në grupe me bilancet më të mira kundër dy të parave në grupeve të tyre. Ndërkaq, Hungaria si nikoqire kualifikohet drejtpërdrejt në turneun final me 16 ekipe pjesëmarrëse, e që mbahet nga 17 maji deri më 2 qershor 2023.

Kombëtarja U17 e Kosovës e drejtuar nga Arsim Abazi është përgatitur për këtë turne që disa ditë dhe është e gatshme për të dhënë më të mirën e saj.

Lista e futbollistëve të Kombëtares U17 të Kosovës:

Amar Demolli > Sh. F. Kurda

Amar Kashtanjeva > Fortuna Dusseldorf

Art Berisha > HJK Helsinki

Aruel Klinaku > Fc. St. Gallen

Aurel Limani > KF Ulpiana

Beart Zhubi > FC 2 Korriku

Blendrit Krasniqi > FC Prishtina

Edi Haziri > FC Augsburg

Elvaris Suplja > U.S. Sassuolo Calcio

Elvir Gashijani > FC 2 Korriku

Erion Salihu > FC Ferizaj

Fanol Lutolli > SSV Jahn Regensburg

Fatjon Mulaj > KF Onix

Granit Pllana > AC Vedelago Calcio

Idol Jashari > Sh. F. Roni 19

Leo Tafaj > Fc Servette

Luan Lleshi > KF Erzeni

Medin Gashi > FC Vushtrria

Nart Ahmeti > De Graafschap

Rron Kryeziu > FC Lugano.

Orari i ndeshjeve:

5 tetor 13:00 Finlanda – Greqia (Stadiumi ‘Zahir Pajaziti’) 16:00 Kosova – Italia (Stadiumi ‘Fadil Vokrri’) 8 tetor 13:00 Kosova – Greqia (Stadiumi ‘Zahir Pajaziti) 16:00 Italia – Finlanda (Stadiumi ‘Fadil Vokrri) 11 tetor 13:00 Greqia – Italia (Stadiumi ‘Zahir Pajaziti) 13:00 Kosova – Finlanda (Stadiumi ‘Fadil Vokrri)