Liverpool bindshëm ndaj Evertonit, kap të tretin vend

Skuadra e Jurgen Kloppit, Liverpool, është kthyer bindshëm pas pushimit një-javor të ekipeve për shkak të ndeshjeve kualifikuese për Botërorin Rusia2018.

Ata në derbin e madh të qytetit kanë mposhtur rivalin lokal, Everton, me rezultat 3-1, duke treguar forcën dhe lojë të mirë në “Anfield Road” dhe duke kënaqur tifozërinë e tyre.

TABELA AKTUALE

Sadio Mane i dha epërsinë Liverpoolit, 1-0, derisa Matthew Pennington barazoi 1-1, para se Philippe Coutinho të rikthejë shpejt epërsinë 2-1.

Në pjesë të dytë, belgu i ri Divock Origi vulosi fatin e takimit duke shënuar për 3-1, pas asistimit të brazilianit Coutinho.

Me këtë fitore, Liverpool kërcen në pozitë të tretë aktualisht me 59 pikë të tubuara, derisa Evertonit i prehet seria prej 2 fitoreve me radhë.

Sadio Mane Incredible Solo Goal HD - Liverpool… by bestfootballtv