BRIGHTON - LIVERPOOL
Liverpooli shkëlqen përsëri, vjen fitorja e radhës
2 December, 2017 @17:50
Pas fitores në udhëtim te Stoke City, Liverpooli sot ka shënuar edhe një fitore të rëndësishme një Premier League.
‘Të Kuqtë’ shënuan 2 gola ‘ekspres’ në fundin e pjesës së parë dhe një tjetër me të filluar pjesa e dytë, për të mos lënë pikëpyetje në lidhje me fituesin e këtij dueli. E tëra çfarë bëri Brightoni ishte një gol ‘ngushëllues’ nga pika e bardhë, mirëpo kjo nuk luajti rol në epilogun final të takimit. Fare në fund të ndeshjes, për 1-5 u përkujdesën Coutinho e Dunk (autogol) dhe me këtë rezultat u mbyll ndeshja.
Kjo fitore është më se e mirëpritur për Liverpoolin, kur dihet që këtë xhiro Arsenali e Manchester United ndeshen mes vete dhe detyrimisht të paktën njëra prej tyre do të lëshojë pikë. Për më tepër, edhe Tottenhami ka barazuar me Watfordin këtë xhiro, barazim që gjithashtu i bën mirë Liverpoolit në luftën për t’u ngjitur në tabelë.
