LLAPI - TREPÇA '89
Llapi ndryshe në pjesën e dytë, bënë përmbysjen përballë Trepçën ‘89
25 April, 2021 @16:52
Skuadra e Llapit ka shënuar fitoren e 12-të në Superligë.
Ekipi i drejtuar nga Tahir Batatina e mposhti skuadrën e fortë të Trepçës ‘89, në ndeshjen e cila u zhvillua në stadiumin “Zahir Pajaziti” të Podujevës.
Mysafirët kaluan të parët në epërsi qysh në minutën e tetë me golin e shënuar nga Muharrem Jashari. Ky ishte edhe goli i vetëm i pjesës së parë, derisa në pjesën e dytë llapjanët treguan tjetër fytyrë.
Së pari Ardit Peposhi e barazoi rezultatin në 1-1 në minutën 48’, derisa 11 minuta më pas Valmir Veliu realizoi golin e fitores.
Me këtë rezultat Llapi shkëputet paksa nga pjesa e poshte e tabelës, derisa Trepça ‘89 mbetet në kufi me zonën e barazhit.
