PAS NDESHJES
Llapi reagon ashpër në referim pas humbjes nga Drita
1 November, 2020 @16:15
Llapi konsideron se është dëmtuar nga referimi i sotëm në përballjen Llapi-Drita.
Gjilanasit fituan ndeshjen si mysafir 1-2, ndërsa llapjanët menjëherë me të përfunduar loja kanë lëshuar një komunikatë në llogarinë e tyre në Facebook, ku thuhet se gjyqtari Visar Kastrati i ka dëmtuar rëndë.
Llapi më pas ka numëruar 3 raste të dëmtimit, sipas radhës, duke thënë se “KF Llapi nuk mund të luajë kundër 14 personave në fushë”, ndërsa gjyqtarin kryesor Visar Kastrati e ka akuzuar si “gjyqtar as për Ligë të Tretë” të Kosovës.
