Llapi transferon sulmuesin e Kosovës U19

Pak orë pas nënshkrimit të kontratës profesionale me të riun Granit Musa, skuadra e Llapit ka shtuar në përbërjen e saj edhe një lojtar tjetër të talentuar.

Ekipi i Tahir Batatinës ka zyrtarizuar përforcimin më të ri, Venhar Hyseni, me të cilin ka nënshkruar kontratë për 3 vite.

Hyseni i është bashkuar LLapit nga ekipi i juniorëve të Ramiz Sadikut, ndërsa gjithashtu ka qenë përfaqësues i Kosovës U19.

Sipas njoftimit të klubit, insistues për ta pasur në skuadër Hysenin ishte vetë kryetrajneri i skuadrës, Tahir Batatina, i cili pret nga ai që brenda një kohe të shkurtër të jetë ndër futbollistët kryesor të skuadrës.