Londra e kaltërt, Chelsea vazhdon marshimin

Me fitoren e Chelseat është mbyllur derbi i Londrës dhe ndeshja kryesore e xhiros në Premier League.

Skuadra e Antonio Contes e ka vazhduar traditën e fitoreve ndaj Arsenalit në ‘Stamford Bridge’ dhe takimin e luajtur sot e ka mbyllur me fitore 3-1.

Epërsia e vendasve erdhi nga një gol që mund të quhet lirisht i parregullt, pasi që Alonso shkaktoi faull në sulm gjatë shënimit të golit. Gjithsesi, Chelsea nuk la vend për diskutime, duke shënuar edhe 2 herë në pjesën e dytë, për ta mbyllur ndeshjen me fitore bindëse. Goli i dytë i ‘bluve’ u shënua pas një super akcioni individual nga Eden Hazard, derisa për 3-1 shënoi Cesc Fabregas, i cili tregoi respekt për ish-skuadrën e tij dhe nuk e festoi golin.

Goli i vetëm i Arsenalit u shënua nga Giroud kur ndeshja veçse ishte e përfunduar.

Startues në këtë takim ishte Shkodran Mustafi, i cili u ndëshkua me karton të verdhë në pjesën e parë, ndërsa Xhaka vazhdon të mbetet i suspenduar.

Dy humbjet në dy takimet e fundit ia kanë komplikuar punët Arsenalit, kurse Chelsea vazhdon marshimin drejt titullit.

TABELA AKTUALE PREMIER LEAGUE

All Goals & Highlights HD - Chelsea 3-1 Arsenal… by arcturusmedia33