Me Trajkovskin kundër Pejës

Sigal Prishtina do të paraqitet pa Edin Bavcicin në ndeshje ndaj Pejës sonte. 

Skuadrat që kanë mbi 4 të huaj në Superligë, duhet t’i lajmërojnë një ditë para ndeshjes se me cilët të huaj do të paraqiten në ndeshjen e radhës. 

Kështu, pas humbjes së pësuar në finale të Kupës së Kosovës ndaj Pejës, ku Prishtina luajti me katërshen: Jordan Hulls, Demontez Stitt, Edin Bavcic dhe Julian Mavunga, trajneri Marjan Ilievski kësaj radhe ka vendosur që të ndërrojë Bavcicin për Bojan Trajkovskin. 

Pra, Prishtina në këtë ndeshje do të paraqitet me katërshen: Hulls, Stitt, Trajkovski dhe Mavunga. 

Prishtina ka në ekip 6 të huaj, derisa Julius Coles luan vetëm në ligë ballkanike dhe ende nuk ka përjetuar ndeshje në Superligë këtë stinor.