Sonte, superderbi

Sonte luhet vetëm një ndeshje e xhiros së XXIII të Superligës dhe ky është derbi ndërmjet Pejës dhe Sigal Prishtinës, dy ekipeve më të mira në vend. 

Para përballjes, Sigal Prishtina ka avantazh të pikëve dhe fitoreve krahas Pejës në klasifikim dhe në ndeshjet e deritashme në Superligë. 

Seria e fitoreve të Prishtinës

Kampionja e Kosovës ka arritur të mposht dy herë Pejën në Pallatin e Rinisë, derisa ka humbur ndeshjen e vetme të stinorit në Karagaç. 

Në anën tjetër, Peja dëshiron që të barazojë bilancin në duele të skuadrave që me fitore do ta bënte 2-2. Sigal Prishtina gjithashtu ka 13 fitore me radhë të shënuara në Superligë dhe ka barazuar rekordin e fitoreve radhazi të Pejës. 

Nëse Peja arrin fitore, do të ndërprejë këtë seri prishtinase, në të kundërtën Prishtina do të mbajë rekordin e fitoreve radhazi këtë stinor. 

Trajnerët, duan fitore

Në një prononcim për mediat e shkruara, trajneri maqedon i Sigal Prishtinës, Marjan Ilievski, ka bërë të ditur që Prishtina udhëton për fitore në Pejë, përkundër se ekipi me mend, është i koncentruar në ndeshjen e kthimit të çerekfinales së ligës ballkanike, ndaj Craiovës. 

Kurse, kroati i Pejës, Boris Kurtovic, që fitoi Kupën e Kosovës me verdhezinjtë në përballjen e fundit ndaj Prishtinës, ka cekur se ekipi i tij duhet të luaj sa me zemër aq edhe me mend për të shënuar fitore. 

Ndeshja do të gjykohet nga treshja: Faton Kurshumlija, Xhelal Mumini dhe Xhavit Beqiri, derisa fillon në 19:30. 

TABELA AKTUALE DHE REZULTATET E DERITASHME

Klikoni te ndeshja e mëposhtme për të parë performancat e ndeshjeve të kaluara të përballjeve ndërmjet Pejës dhe Sigal Prishtinës në Superligë.

Sigal Prishtina - Peja (Dueli 1)

Peja - Sigal Prishtina (Dueli 2)

Sigal Prishtina - Peja (Dueli 3)