WORLD CUP
Botërori i radhës, në Azi
16 March, 2015 @21:57
Në ditën e pranimit të Kosovës në FIBA, Komiteti Ekzekutiv i shtëpisë së basketbollit botëror ka marrë vendim që Botërori i radhës në basketboll të mbahet në kontinentin e Azisë.
Kina dhe Filipinet janë kandidatët e mbetur në garë për të organizuar garën më të madhe të shteteve në basketboll që luhet në vitin 2019, derisa Gjermania, Turqia dhe Katari do të garojnë për të organizuar Botërorin 2023.
Kosova do të jetë pjesëmarrëse në kualifikime për Botëror edhe pse rruga do të jetë tepër e vështirë. Mirëpo, FIBA ka paralajmëruar ndërrim të garave kualifikuese në vitin 2017 ashtu që sa më shumë vendeve t’i mundësohet pjesëmarrja në Botëror. Prandaj, shpresa vdes e fundit!
Gjithashtu, FIBA ka bërë të ditur se Botërori i fundit i zhvilluar në Spanjë, i ka sjellë fitim 16.5 milionë franga zvicerane, të cilat pritet të investohen në vendet me potencial zhvillimi në basketboll.
