Messi i shënon Buffonit, Barcelona fiton

Barcelona e ka nisur mbarë stinorin e ri të Ligës së Kampionëve, duke e mposhtur kundërshtarin kryesor në Grupin D, Juventus, bindshëm 3-0.

Interesant ka qenë fakti që Lionel Messi për herë të parë në karrierë i ka shënuar gol Gianluigi Buffonit nga loja dhe këtë sonte e bëri dy herë, derisa golin tjetër e shënoi kroati Ivan Rakitic.

Francezi Ousmane Dembele ka debutuar për Barcelonën në Ligë të Kampionëve, njejtë sikurse Nelson Semedo, derisa Paulinho u fut në pjesë të dytë nga trajneri Ernesto Valverde.

TABELA AKTUALE

Te Juventusi u vërejtën mungesat në mbrojtje, derisa dyshja e sulmit Gonzalo Higuain - Paulo Dybala, nuk ndezi sonte.

Në duelin tjetër të Grupit D, Olympiacos i Besnik Hasit e nisi me humbje në Athinë, duke u mposhtur nga Sportingu i Lisbonës, 2-3.