Messi para zyrtarizimit si parisien

I konsideruar si njëri ndër lojtarët më të mirë të të gjitha kohërave, Lionel Messi me 672 gola të shënuara në 778 ndeshje për Barcelonën, është tashmë shumë afër kalimit zyrtar në Paris St Germain.

Raportet e fundit nga mediat e ndryshme, kanë bërë të ditur se marrëveshja është arritur dhe tashmë Parisi e pret Messin që të aterojë për të kryer testet mjekësore.

Argjentinasi 34-vjeçar u nda nga klubi i tij i fëmijërisë, i vetmi klub ku ka luajtur deri tash, Barcelona, për shkak të kufinjëve financiar në LaLiga.

“Gjithçka është konfirmuar. Lionel Messi do të bëhet lojtar i ri i PSG-së. Për momentin ka më shumë policë sesa tifozë në Paris, ku pritet të vijë Messi, ndërsa kontrata e tij do të jetë 2+1,” ka thënë ndër të tjera Guillem Balague reporter, shkruan BBC Sport sot.

Messi ka fituar Topin e Artë 6 herë dhe mbanë shumë rekorde në LaLiga.