Salihamidzic konfirmon: Monitorojmë Haalandin

Drejtori sportiv i Bayern Munchenit, Hasan Salihamidzic, i ka konfirmuar televizionit gjerman Sport 1 të dielën se Bayern do të ishte amator, po të mos e shikonte mundësinë për ta marrë yllin e rivalit Erling Haaland.

Sulmuesi i ri i Norvegjisë shihet si sulmues i së ardhmes dhe është i dëshmuar me shumë gola që në moshë të re të tij.

“Ai është lojtar i klasit të lartë. Por, është i Dortmundit për momentin. Gjashtëdhjetë gola në 60 ndeshje. Këtë njeri duhet ta monitorosh patjetër, përndryshe je amator,” ka thënë Salihamidzic në emision.

Sky Germany në anën tjetër ka bërë të ditur se Bayern e ka të pamundur sigurimin e Haalandit tash, pasi që do të futej në telashe të mëdha financiare, nëse llogaritet edhe rroga e lojtarit.