MEDIA TALK
Inter - Dzeko, arrihet marrëveshja
9 August, 2021 @13:21
Edin Dzeko pritet të jetë zëvendësues i Romelu Lukakut në sulmin e Interit. Sipas raporteve të fundit të mediave italiane, sulmuesi boshnjak i Romës ka arritur marrëveshje në princip me neroazzurrët dhe brenda dy ditëve pritet t’i kryejë testet mjekësore, para se të bëhet lojtar i ri i kampionit të Italisë, Inter.
La Gazzeta dello Sport bën të ditur gjithashtu se boshnjaku ka arritur marrëveshje dy-vjeçare me ekipin nga Milanoja.
Por, ka theksuar gazeta më tej, më e rëndësishmja është marrëveshja mes klubeve. Nëse Roma nuk dakordohet me ofertën e Interit, atëherë gjithçka pritet të bie poshtë.
Në anën tjetër, përfoljet për interesimin e Chelseat për të marrë sulmuesin belg të Interit, Romelu Lukaku, ende vazhdojnë.
