NIKOLA KALINIC
Milan prezenton edhe Kalinicin
22 August, 2017 @12:59
Para pak çastesh përmes njoftimit në faqen zyrtare të ekipit, acmilan.com, rossonerët nga Milanoja kanë bërë të ditur edhe zyrtarisht se kanë nënshkruar kontratë me sulmuesin kroat, Nikola Kalinic.
“AC Milan ka kënaqësinë t’ju njoftojë se ka nënshkruar me sulmuesin e Fiorentinës, Nikola Kalinic, marrëveshje huazimi me obligim blerjeje. Futbollisti në fjalë ka nënshkruar kontratë 4 vjeçare me ekipin tonë,” ka bërë të ditur ndër të tjera njoftimi.
Kalinic 29 vjeç, 187 cm i gjatë, ka përvojë të madhe nga ligat e ndryshme europiane, derisa prej Hajdukut kishte dalë te Blackburn Rovers. Pastaj nga Anglia shkoi për 5 vite te Dnipro në Ukrainë, prej nga u bë pjesë e Fiorentinës, ku në dy vitet e fundit vetëm në Serie A shënoi 27 gola.
