VRESHTARËT
Musab Mala zyrtarisht te Rahoveci
31 July, 2021 @14:36
Para pak çastesh KB Rahoveci ka zyrtarizuar njërin ndër organizatorin më premtues në Superligë të Kosovës, Musab Mala.
Playmakeri luftarak, që ka kaluar stinorin e kaluar te Bashkimi në Prizren, tashmë do të mbrojë ngjyrat e vreshtarëve në stinorin 2021/22.
Basketbollisti 24-vjeçar ka qenë ndër më të dalluarit te ekipi prizrenas në stinorin e kaluar, ndërsa kishte marrë ftesë edhe për të mbrojtur ngjyrat e reprezentacionit të Kosovës.
Ai ka pasur mesatare prej 16.9 pikëve për ndeshje, 3.6 kërcimeve dhe 4.5 asistimeve. Mitrovicasi Mala pritet të jetë një shtesë shumë e rëndësishme në ekipin që do të drejtohet nga Fotis Takianos.
Gjithashtu, pos Superligës e Kupës, me vreshtarët Mala do të ketë mundësinë që të luajë në Ligën Unike, ku Rahoveci ka konfirmuar pjesëmarrjen.
