ROMA - NAPOLI
Napoli fiton dhe forcon kreun
14 October, 2017 @22:43
Një gol i Lorenzo Insignes në minutën e 20’ doli të ishte i mjaftueshëm që Napoli ta fitojë duelin ndaj Romës sonte, fitore kjo që e forcon kreun për skuadrën napolitane.
Ndeshja kaloi me shumë raste për shënim përkundër faktit që u shënua vetëm një gol, me portierët dhe shtyllat që e mohuan spektaklin.
Humbja e Juventusit nga Lazio sonte bën që Napoli tashmë të jetë 5 pikë mbi Juventusin, ndërsa rol për këtë gjë ka edhe Elseid Hysaj, mbrojtësi i Kombëtares Shqiptare, i cili si zakonisht ishte startues edhe sonte dhe realizoi një paraqitje tejet të mirë.
