Ndarja e radhës “për një jetë më të mirë” drejt Gjermanisë

Tashmë zyrtarisht, edhe një lojtar “ikën” nga futbolli kosovar në kërkim të jetës më të mirë në Perëndim, derisa KF Istogu ka bërë të ditur se mesfushori i ekipit të tyre Qëndrim Krasniqi po merr rrugë drejt Gjermanisë.

Krasniqi pas shtatë vitesh të kaluara me ekipin e Troftave pritet që edhe karrierën edhe punën ta bëj në Gjermani, derisa klubi e ka falenderuar përzemërisht për kontributin e dhënë me fanellën bardhekaltër të qytetit ku buron Drini i bardhë.

“Mesfushori i FC Istogut, Qendrim Krasniqi karrieren dhe punën do të vazhdoj në Gjermani. Pas 7 vitesh të kaluar në Istog, Qendrimi tanime nuk do të jetë pjesë e FC Istogut. Klubi i jonë falënderon përzemërsisht, për kontributin e dhene me fanelen kalter e bardhë.” - ka shkruar KF Istogu në njoftimin e publikuar sot.

Hiq më larg se dje, edhe Arbëria kishte bërë të ditur se kapiteni i ekipit po largohet nga klubi për të vazhduar jetën në Gjermani.