Ndeshjet jashtë shtëpisë, makth për Atleticon

Tri humbje dhe dy barazime në pesë ndeshjet e tyre të fundit larg stadiumit vendas, Wanda Metropolitano.

Atlético Madrid, pësoi disfatë 2-1 kundër Athletic Bilbao, në San Mames.

Alex Berenguer, shënoi golin e epërsisë për Bilbao, në minutën e 77’ të ndeshjes Savic barazoi. Kur ndeshja po shkonte drejt fundit, Martinez, shënoi në minutat e fundit të ndeshjes për t`i dhuruar Bilbaos fitoren.

Lufta për titull në La Liga sa vjen e vështirësohet për Atlético-n. Duhet përmendur rezultatet jo të mira të tyre jashtë shtëpisë, e që dy ndeshjet e ardhshme janë po ashtu jashtë.

Ekipi i ‘rojiblanco’ doli në ndeshjen e tyre kundër Bilbaos të vetëdijshëm se Barcelona dhe Sevilla kishin fituar, përkundër Real Madridit që barazuan përsëri, por ekipi i Simeones nuk arriti dot të fitonte.

“Los colchoneros’ në dy ndeshjet e ardhshme do të vizitojnë skuadrat Elche dhe Barcelona, para se të kthehen në stadiumin e tyre, ku do të presin Real Sociedad dhe Osasuna.

Ndeshja e fundit në kampionat po ashtu është jashtë kundër Valladolid.

Atlético Madrid gjendet në pozitën e parë me dy pikë larg vendit të dytë dhe të tretë, por Barcelona ka një ndeshje më pak, ndërsa në pozitën katër është Sevilla me 70 pikë.