MËRGIM MAVRAJ

Nëse luajmë me zemër dhe shpirt, e befasojmë Francën
11 June, 2016 @18:01
Mbrojtësi i kombëtares shqiptare, Mërgim Mavraj, ka folur pas ndeshjes kundër Zvicrës, që përfundoi me rezultat minimal të zviceranëve.
Në intervistën për mikrofonin e kanalit televiziv, Top Channel, Mavraj tha ekipi i tij është fitues moral i takimit, derisa emocionet kanë ndikuar në rrjedhën e takimit.
“Kemi luajtur shumë mirë dhe nga ana morale ka qenë një fitore e madhe e jona. Kemi luajtur me 1 lojtar më pak dhe ka qenë një paraqitje shumë e mirë. Në minutat e para kemi qenë me emocione dhe na kanë vënë në presion. Përgjigjja jonë ka qenë fantastike. Kishim rast me Sadikun dhe Gashin. Luajtëm si të barabartë,” tha Mavraj.
Raporti i ndeshjes Shqipëri-Zvicër
Më tej, ai foli edhe për ndeshjet e radhës dhe gjasat për kalim të grupit, duke besuar se mund të ndodh befasi nga ana e kuqezinjëve.
“Asgjë nuk është e vendosur. Nëse luajme me zemër dhe shpirt, besoj që edhe me Francën kemi për të bërë një surprizë të madhe.”