Notat e kuqezinjëve, pas fitores

Fitorja e madhe dhe historike ndaj Francës, ka lënë gjurmë të madhe në mbarë botën në të mirë të kuqezinjëve. 

Komentet e mediave të ndryshme dhe fjalët e Didier Deschamps, kanë bërë që Shqipëria të konsiderohet si ekip që meriton EURO 2016. 

Sot, Panorama Sport, ka dhënë notat për kuqezinjëtë për paraqitjen ndaj Francës. 

Etrit Berisha - 7 - Nuk gabon asnjëherë. I sigurtë në dalje. 

Elseid Hysaj - 7 - I shpejtë, saktësi dhe vizion. Askush s’mund t’ia zë vendin në krah. 

Lorik Cana - 7 - Solid. Ndihmon Arlind Ajetin që të ndihet komod. I vetmi që e fut kokën e këmbën aty ku mund të lëndohet njeriu. 

Naser Aliji - 6.5 - Herë merret me Olivier Giroud, herë me Alex Lacazette, por s’gabon. Agresiv në mbrojtje, por mungonin krosimet ‘alla Agolli’. Sidoqoftë, e ardhmja është ai. 

Arlind Ajeti - 7 - Gjysmë note më shumë sepse ishe në debutimin e parë nga fillimi, si startues. Dje tregoi se mund të luaj në vend të Mërgim Mavrajt. 

Ledian Memushaj - 7 - Vlonjati është njeri i detyrës. Shumë pak ka si asi që mbrojnë mirë, pasojnë mirë dhe sulmojnë mirë. 

Migjen Basha - 7 - Rikthim mjeshtëror. Qetësi, pasime, ndërhyrje të sigurta. Burim Kukeli duhet të shqetësohet. 

Ergys Kaçe - 8 - Njeriu i ndeshjes. Mbron, pason, shtyn dhe gjuan. Me karton të verdhë luajti si trim. Goli, për të të lënë pa fjalë. Ai duhet të jetë në 11-shen e parë, standard. 

Ermir Lenjani - 6 - Shumë dëshirë, por pa sukses. Dy raste të humbura, që s’duhej të humbeshin. Ka kaluar stinor të vështirë së fundi. 

Odise Roshi - 6.5 - Nuk është si Paul Pogba, por luajti më mirë se ai dhe e mposhti. Në lojë duket copë-copë, por sa herë donte, bënte atë që donte. Kush s’beson, le ta pyet Patrice Evran. 

Sokol Cikalleshi - 6.5 - Shumë punë, shumë sakrficë, por gola s’shënon. Vlerësohet maksimalisht për shkak se askush si nuk sakrifikohet në fushë. 

Sabien Lilaj - 6.5 - I pjekur dhe kandidat serioz për një vend në 11-shen e parë. 

Armando Sadiku - 6 - Kërkonte shumë, por s’merrte sa duhet pasime. Në krah nuk arrinte të depërtoj sa duhet. Sidoqoftë, një lojtar shtesë për kuqezinjtë. 

Goal Kace - Albania 1-0 France - 13-06-2015 by Bayeo