Nuhiu: Nuk i gëzohem golit, Islanda s’e meritoi fitoren

Golashënuesi i vetëm për Kosovën në ndeshjen ndaj Islandës, Atdhe Nuhiu, pas ndeshjes u tregua i zhgënjyer për humbjen.

Nuhiu tha se nuk mund t’i gëzohet golit, derisa skuadra pëson humbje.

“Rëndësia e golit është në rend të dytë, pasi që nuk arritëm të fitojmë. Ne këtu ishim për fitore dhe për këtë arsye nuk po mund të gëzohem për golin. Do të mund të ishte më ndryshe. Jam i bindur se Islanda nuk e meritoi fitoren, por ndoshta e arriti këtë për shkak të përvojës. Ne kemi lojtarë jashtëzakonisht të mirë. Me këtë ekip do të arrijmë shumë suksese në të ardhmen. Por duhet të kemi durim dhe me paraqitje të tilla jam i bindur se do ta arrijmë qëllimin,” tha Nuhiu.

Futbollisti në fjalë sonte zhvilloi ndeshjen debutuese me fanellën e Kosovës.