TREPÇA '89 - FERONIKELI
Pa gola në Mitrovicë, ish-kampionët barazojnë
10 March, 2021 @14:58
Me barazim 0-0 është mbyllur dueli i sotëm mes Trepçës ‘89 dhe Feroniklit në “Riza Lushta” të Mitrovicës.
Dy ish-kampionët e Kosovës zhvilluan një takim të fortë mes tyre, por që gola nuk pati dhe pikët mes skuadrave u ndanë.
Barazimi në këtë duel i mban këto dy skuadra pranë njëra-tjetrës në tabelë, mirëpo skuadra mitrovicase është më e qetë momentalisht.
Për Niklin, kjo është hera e 10 që barazon në Superligë sivjet, kurse për mitrovicasit e pesta herë.
Xhiron që vijon, Trepça ‘89 i shkon Gjilanit, kurse Nikli e pret Prishtinën në Drenas.
