Pa zëvendësime, Kosova qan rastet e humbura, Spanja fiton

Spanja ka shënuar fitore ndaj Kosovës 0-2 [Fornals 32, Torres 89] sonte në Fadil Vokrri të Prishtinës, në një ndeshje ku Dardanët treguan lojë tejet të mençur përgjatë pjesës më të madhe të takimit, përkundër kapacitetit dhe në fund do të qajnë minimum katër raste të mira të humbura në përballjen, që nuk kthehet më.

Spanja natyrisht, zotëroi topin në pjesë më të madhe të ndeshjes, duke e çuar statistikën në 30 me 70 përqind në të mirë të tyre, por Kosova së pari me Milot Rashicën (10’), pastaj Elbasan Rashanin (15’), Vedat Muriqin (52’) Florian Loshajn (63’) humbi raste ideale për të shënuar.

ORARI I NDESHJEVE dhe TABELA AKTUALE

Në fund, sulmuesi i Manchester Cityt, Ferran Torres shfrytëzoi mundësinë e dhënë, për të qëlluar në anë të kundërt të Arijanet Muricit për 0-2 përfundimtare.

Derisa Luis Enrique bëri lëvizje të lojtarëve, duke inkuadruar pesë të tjerë në ndeshje në pjesë të dytë, përgjatë minutave të lojës, Bernard Challandesi nuk provoi t’i ipte rastin askujt, duke e mbajtur 11-shen startuese prej fillimit deri në fund të ndeshjes.

Në anën tjetër, Greqia ka mposhtur Suedinë për të arritur fitoren e parë në grup dhe kështu tash Kosova bie në pozitë të katërt të renditjes tabelare pas humbjes nga Spanja.

ORARI I NDESHJEVE dhe TABELA AKTUALE

E ekipi i Luis Enriques, mbetet i pari dhe ngrit dallimin në 4 pikë ndaj ndjekësit të parë, Suedisë.