Partizani emëron trajnerin e U-21 në vend të Dajës së larguar

Skuadra e Partizanit të Tiranës që u nda ditë më parë me kryetrajnerin Ilir Daja, të hënën ka zyrtarizuar trajnerin e ri të skuadrës, që do të merr timonin për të çuar ekipin deri në fund të stinorit 2021/22.

Dritan Mehmeti, ish-ndihmës trajner i ekipit të parë nga stinori 2018/19 dhe deri tash kryetrajner i Partizanit U-21, do të merr drejtimin e Demave të kuq të Tiranës.

Mehmeti ka nisur përgatitjet për pjesën e dytë të stinorit të hënën, ndërsa shpejt pritet të shihen rezultatet e ekipit pasi që ai është prej atyre që e njeh secilin element të ekipit nga vitet e fundit.

Partizani ka kryer vitin 2021 në pozitë të pestë të renditjes tabelare me 18 pikë nga 15 ndeshje, gati dyfish më pak sesa liderja Tirana, që ka 33.