KERASAN - TREPÇA
BOROZANI/D.S./Arkiv
Pas 3 humbjeve, Trepça i kthehet fitores
12 November, 2016 @16:24
Skuadra e Trepçës i është kthyer fitoreve sot. Ekipi mitrovicas pas tre humbjeve radhazi në të gjitha garat (2 në Superligë dhe 1 në BIBL) ka mposhtur sot Kerasan Prishtinën si mysafire për të arritur te fitorja e katërt e stinorit në përgjithësi.
Basketbollistët e Trepçës janë drejtuar sot nga Ilir Selmani, ndërsa trajneri i ri i ekipit Dimitris Papadopoulos ka shikuar lojën.
Lajm i mirë është se në ekip janë rikthyer vëllezërit Zekiqi, Samiri e Burimi, që nuk kanë qenë prezent në disa takime.
Sa i përket lojës ndaj Kerasanit sot, gjelbërezinjtë kanë nisur furrishëm, duke e përfunduar çerekun e parë 30-6, për të treguar forcën e skuadrës.
Më pas Trepça ‘largoi këmbën nga gazi’ dhe çoi ndeshjen qetë deri në fund për të fituar bindshëm, 98-54.
Samir Zekiqi ka shkëlqyer sot në ekip me 25 pikë të shënuara (5 treshe nga 10 tentime), ndërsa Jeremy Wise, Nikola Ljujic e Beznik Azemi kanë shënuar gjithashtu pikë dyshifrore në fitoren e ekipit.
Pas kësaj ndeshjeje, Trepça ka bilanc 4-3 ndërsa Kerasani mbetet pa fitore, 0-7.
Kerasan Prishtina
| 1 | Gent Shala 26:14 | 13 pikë | 7 kërcime | 2 asistime |
| 2 | Kujtim Sadiku 34:40 | 11 pikë | 4 kërcime | 2 asistime |
| 3 | Genc Gashi 18:18 | 9 pikë | 2 kërcime | 2 asistime |
| 4 | Dardan Kapiti 26:56 | 7 pikë | 3 kërcime | 2 bllokada |
| 5 | Ermir Gashi 17:36 | 7 pikë | 3 kërcime | - |
| 6 | Kreshnik Muçolli 14:56 | 5 pikë | 2 kërcime | 1 asistim |
| 7 | Mërgim Jakupi 17:56 | 2 pikë | 1 kërcim | - |
| 8 | Ilir Hasani 19:49 | 0 pikë | 4 kërcime | 3 topa të vjedhur |
| 9 | Fisnik Pula 9:58 | 0 pikë | 2 asistime | 1 kërcim |
| 10 | Grani Hyseni 10:00 | 0 pikë | 3 asistime | - |
| 11 | Andi Vrapçani 2:14 | 0 pikë | 1 top të vjedhur | |
| 12 | Denis Simnica 1:16 | 0 pikë | - | - |
Trepça
| 1 | Samir Zekiqi 29:18 | 25 pikë | 7 kërcime | 4 asistime |
| 2 | Nikola Ljujic 25:04 | 20 pikë | 4 kërcime | 2 asistime |
| 3 | Jeremy Wise 24:20 | 16 pikë | 6 kërcime | 5 asistime |
| 4 | Besnik Azemi 26:06 | 14 pikë | 7 kërcime | 3 asistime |
| 5 | Mise Diminic 12:44 | 9 pikë | 4 kërcime | 1 asistim |
| 6 | Frederic Stutz 17:10 | 7 pikë | 4 kërcime | 1 asistim |
| 7 | Valdrin Haxhiu 18:33 | 2 pikë | 4 asistime | 1 kërcim |
| 8 | Montreal Scott 8:18 | 2 pikë | 1 kërcim | 1 asistim |
| 9 | Albelard Rashiti 7:25 | 2 pikë | 1 top të vjedhur | - |
| 10 | Arian Tahiri 10:05 | 1 pikë | 1 kërcim | - |
| 11 | Burim Zekiqi 15:17 | 0 pikë | 5 kërcime | 1 asistim |
| 12 | Agon Selmani 5:34 | 0 pikë | 1 asistim | - |
