ZYRTARE
Pensionohet Kevin Garnett
24 September, 2016 @8:53
Njëri ndër legjendat e basketbollit amerikan, Kevin Garnett, zyrtarisht u pensionua nga basketbolli.
KG, në llogarinë e tij personale në Instagram, me një video deklaroi largimin e tij nga basketbolli aktiv.
Garnett, i falenderoi fansat dhe deklaroi se nuk është aq e lehtë të përshëndetet.
Ylli i Minnesotës, me nofkën Big Ticket, në vitin 2008 arriti të bëhet kampion me Boston Celticsin, derisa gjatë karrierës së tij ai ka luajtur mbi 55 mijë minuta, është zgjedhur MVP i stinorit të rregullt në vitin 2004 dhe është zgjedhur 15 herë All Star.
Gjithashtu, gjatë karrierës së tij, ka mbi 25 mijë pikë të shënuara, 10 mijë kërcime të rrëmbyera dhe mbi 5 mijë asistime, derisa i kaloi 21 vite në NBA.
