Fantasy TopSporti
Të gjitha lajmet
Tabelat dhe Rezultatet

BEFASUESE

Pensionohet Samiri!

BOROZANI/Erdis Driza

Pensionohet Samiri!


20 January, 2015 @13:24

Njëri ndër basketbollistët më të mirë që ka shkelur në parketet e palestrave të Kosovës, Samir Shaptahovic, ka vendosur të pensionohet nga basketbolli. 

Ylli aktual i Pejës, por me karrierë në shumë skuadra tjera elite kosovare, Shaptahovic, në një komunikatë të lëshuar për media ka bërë të ditur se do të largohet edhe nga vendi. 

“Kur para rreth 15 viteve jam nisur të vi në Kosovë, nuk kam qenë i vetëdijshëm ku jam duke shkuar. Tani që kam vendosur të ndahem nga basketbolli dhe ta lë Kosovën, jam plotësisht i vetëdijshëm çka jam duke lënë. Kjo më dhemb shumë! Më të mirat dhe më pak të mirat që ka ky vend, është  pikërisht ky mjedis, është ky popull që më ka pranuar, më ka dashur, më ka edukuar, dhe mbi të gjitha më ka bërë të kuptoj identitetin tim”, thuhet në deklaratën e tij. 

“Këtu unë kam ngritur karrierën time dhe kam bërë emër si sportist. Gjatë këtyre viteve kam pasur momente të mrekullueshme. Dua t’i falënderoj të gjithë, udheheqësitë e klubeve kudo ku kam luajtur. Por, mbi te gjitha dua t’i falënderoj tifozët kudo qe janë, anembanë Kosovës, duke filluar nga Plisat, Arpagjikët, e mbi te gjitha Shqiponjat e Pejës. Zemra dhe mendja ime do jenë gjithmonë me ju. Faleminderit. Samir Shaptahu”, përfundon shkrimi i tij. 

Më vonë do t’ju njoftojmë me detaje tjera për yllin e basketbollit vendor, Samir Shaptahovic. 


 
Të gjitha lajmet nga