KB TEUTA
Përforcim amerikan te Teuta
18 January, 2019 @17:55
Përmes një postimi në Facebook, klubi basketbollistik Teuta ka njoftuar opinionin me përforcimin më të ri.
Bëhet fjalë për amerikanin Tevin Broyles, i cili sot ka nënshkruar kontratë me klubin nga Durrësi.
Broyles, 193 cm i gjatë, luan në pozitat 1 dhe 2, ndërsa së fundi ka luajtur te skuadra e universitetit të New Orleans.
Pak ditë më parë, skuadra e Teutës e mposhti Bashkimin në Prizren në kuadër të Ligës Ballkanike, për t’u ngritur kështu në vendin e parë të grupit në këtë garë.
