GAME1: NUGGETS - SPURS
Përvoja e bën të vetën
14 April, 2019 @14:27
Edhe pse San Antonio e përfundoi stinorin në pozitën e shtatë e Denver Nuggets në të dytin, me përvojën që e ka skuadra nga Teksasi e mposhti Nuggetsin në ndeshjen e parë të Play Offit me rezultat 96-101.
Rezultati ishte i ngushtë deri në minutat e fundit të ndeshjes, por gabimet e Denverit i shfrytëzuan shumë mirë djelmoshat e trajnerit Gregg Popovich.
DeMar DeRozan në këtë ndeshje luajti me double-double prej 18 pikëve e 12 kërcimeve, derisa i bëri edhe 6 asistime.
Te Denveri koshashënuesi më i mirë ishte Gary Harris me 20 pikë, derisa me triple-double prej 10 pikëve, 14 asistimeve e 14 kërcimeve luajti qendra Nikola Jokic.
Ndeshja e dytë e serisë do të luhet përsëri te palestra e Denverit më 17 prill në ora 03:00.
