GAME1: WARRIORS - CLIPPERS
FOTO/ nba
Curry me rekord, kampioni e nis me fitore
14 April, 2019 @14:04
Kampioni i dy viteve të fundit, Golden State Warrios, pa telashe e mposhti Los Angeles Clippersin me rezultat 121-104, në ndeshjen e parë të serisë së Play Offit.
Lojtarët e Clippersit, vetëm një herë e kapën një seri të mirë gjatë ndeshjes ku arritën te kalojnë në epërsi, e më pas kontrolli kaloi te Warriorsat deri në fund të duelit.
Stephen Curry në këtë ndeshje ishte shumë i disponuar. Ai luajti me 38 pikë, derisa e theu rekordin personal në Play Off duke i rrëmbyer 15 kërcime dhe e kaloi legjendën Ray Allen duke shënuar më së shumti 3she në Play Off.
Curry u ndihmua edhe nga Kevin Durant me 23 pikë e Draymond Green me 17 pikë të tjera.
Te Clippers, pesë lojtarë luajtën me pikë dyshifrore, prej tyre u dallua Montrezl Harell me 26 pikë.
Ndeshja e dytë e serisë do të luhet përsëri te palestra e Golden State Warriorsave më 16 prill në ora 04:30 në mëngjes.
