DARDAN BERISHA
Pikët e Berishës s’mjaftojnë për fitore
30 October, 2016 @21:03
Dardan Berisha nuk ka arritur ta parandalojë sot humbjen e dytë të stinorit për skuadrën e tij polake, Polfarmex Kutno, e cila u mposht nga Asseco me rezultat 73-67.
Berisha ishte më i dalluari te skuadra e Palfarmexit, duke luajtur me 21 pikë, 4 kërcime e 2 asistime.
Ai ishte i saktë gjashtë herë nga vija e trepikëshit dhe qëndroi për 38 minuta në parket, mirëpo as kjo nuk mjaftoi që skuadra e tij t’i shmanget humbjes.
Pas xhiros së katërt në kampionatin polak, skuadra e Berishës ka dy fitore dhe dy humbje.
