AZERBEJXHANI-GJERMANIA
Pranojnë golin e parë dhe fitojnë bindshëm
26 March, 2017 @19:43
Kampioni i fundit i Botës në futboll, Gjermania, ka shënuar fitore në kualifikuesen e pestë të Grupit C drejt Rusia 2018.
Gjermanët që deri sot nuk kishin pranuar gol në ciklin kualifikues për Botëror, u befasuan kur golin e epërsisë nga Andre Schurrle e neutralizoi Dimitrij Nazarov për 1-1.
Sidoqoftë, të përzgjedhurit e Joachim Lowit morrën lojën në duar për të vazhduar fuqishëm dhe për të shënuar edhe tre herë tjera në portën e të përzgjedhurve të Robert Prosineckit, për fitoren 1-4.
Gjermania po vazhdon sigurt drejt Botërorit të radhës, pasi që me sonte ka pikë maksimale, 15 nga 5 ndeshje.
