Prezentohet “The Basketball Embassy”

The Basketball Embassy, organizata amerikane partnere e FBK-së në projektin e Qendrës për Performancë të Lartë, është prezantuar zyrtarisht në një konferencë për media në zyrat e FBK-së. 

Zyrtarët e kësaj organizate, Tim Drolet dhe Chris Dial, janë treguar të entuziazmuar që do t’ia nisin zyrtarisht punës në Kosovë. 

Dial do të jetë në krye të trajnerëve dhe do të koordinojë përfaqësueset e reja të Kosovës. 

Sekretari i Përgjithshëm i FBK-së, Leart Hoxha, ka thënë se funksionalizimi i reprezentacioneve në grup të moshave të reja është prioritet absolut, pasi që në verë Kosova me gjeneratat e reja do të debutojë në arenën ndërkombëtare. 

Borozani.com ka qenë mediumi i parë që ka bërë intervistë me trajnerin Dial, që bëri përzgjedhjen e grupit të parë prej 10 + 10 basketbollistëve për përfaqësuesen e së ardhmes.