Triumf madhor i Pejës

Peja ka arritur t’ia shkaktojë Sigal Prishtinës humbjen e dytë të stinorit, duke e mposhtur në superderbi sonte në Karagaç. 

Ndërprehet seria e fitoreve

Me këtë fitore, Peja ia ka ndërprerë prishtinasve ecurinë prej 13 ndeshjeve pa humbje në Superligë. 

Peja nisi shumë mirë ndeshjen. Verdhezinjtë përmes Nic Wise krijuan epërsi 8 pikëshe në fillim të ndeshjes dhe ecnin mirë. 

Mirëpo, hyrja e Julian Mavungas në lojë, i cili me treshet e tij, i ndihmuar nga i jashtëzakonshme Bojan Trajkovski, gjithashtu me treshe, bëri që Prishtina të shkojë në pushim me epërsi të konsiderueshme prej 6 pikëve. 

Peja arriti të ulë epërsinë prishtinase në çerekun e tretë dhe kur pritej që çereku i tretë të përfundojë baraz, pas treshes së Alban Veselit, Trajkovski qëlloin për tre në sekondën e fundit për t’ia dhënë avantazhin tre pikësh para 10 minutave të fundit të lojës. 

Veseli e Wise, çelës

Veseli përsëri u tregua preciz në momente vendimtare. Ai shënoi treshe për t’ia dhënë Pejës edhe një epërsi 5 minuta para fundit të ndeshjes. Por pas një fauli ndaj Dardan Berishës, që iu kthye parketit sonte, ai doli me pesë gabime personale, pranë rezultatit 71-70. Me anë të Mavungas e Trajkovskit, Prishtina merr epërsinë dy minuta para fundit të takimit, 76-77. 

Por në fund del në skenë Wise, që krijon epërsi katër pikëshe për Pejën. Prishtina nuk arrin të shfrytëzojë dy sulmet e radhës, e Peja shkon në fitore lehtë në sekondat e fundit të ndeshjes. 

Në total, Peja 3-2 Prishtina

Kjo ka qenë fitorja e dytë e Pejës karshi Prishtinës këtë stinor dhe bilanci në Superligë tashmë është 2-2. Peja javë më parë, mposhti Prishtinën edhe në finale të Kupës së Kosovës, për t’ia rrëmbyer trofeun dhe në total, kjo është fitorja e tretë e verdhezinjëve karshi bardhekaltërve këtë stinor.

REZULTAETET DHE TABELA AKTUALE

Statistikat e ndeshjes ju sjellim më vonë

Statistikat ekipore:

Statistikat individuale te Peja:

Statistikat individuale te Sigal Prishtina: