PARA NDESHJES, PRISHTINA vs BASHKIMI
Pamje nga ndeshja e parë e stinorit, Bashkimi - Sigal Prishtina/ BOROZANI/ A. P.
Prishtina-Bashkimi, para duelit jetik në BIBL
14 January, 2017 @16:29
Sigal Prishtina pret Bashkimin të hënën mbrëma (ora 19:00) në Pallatin e Rinisë dhe të Sporteve në Prishtinë. Dueli kosovar i Grupit A të BIBL është jetik për Sigal Prishtinën kampione aktuale të BIBL, që është pranë eliminimit nga kjo garë që në fazën e parë!
Derisa Sigal Prishtina në dy ndeshjet e zhvilluara gjatë kësaj jave në BIBL ka pësuar dy herë si vendas, ndaj Bashkimit do të kërkojë shpresën e fundit për kualifikim, edhepse tashmë kjo nuk varet nga vetë bardhekaltërit.
Në anën tjetër, Bashkimi i ka punët më mirë në BIBL. Ekipi prizrenas ka bilanc 4-4 aktualisht në Grupin A dhe me një fitore potenciale të hënën, do të siguronte në masë të madhe kualifikimin tutje në BIBL.
Derisa Sigal Prishtina ende nuk ka zyrtarizuar kryetrajnerin e ri të skuadrës dhe po drejtohet nga ndihmësi Andin Rashica dhe Arben Nixha, Bashkimi në anën tjetër po vazhdon me malazezin, Dragan Radovic.
