PRISHTINA E RE - BOREA
Prishtina e Re përfundon vjeshtën në mënyrën më të mirë
10 December, 2021 @21:09
Ndeshja e fundit e stinorit vjeshtor në Ligën e Parë, përfundoi me fitoren e Prishtinës së Re kundër Boreas me rezultat 71-50.
Epërsia ishte te skuadra prishtinase në shumicën e kohës, derisa dallimi u bë në çerekun e tretë, ku djelmoshat e trajnerit Albert Sylejmani, me mbrojtje të fortë pësuan vetëm 9 pikë.
Arbër Sinani shkëlqeu me 26 pikë, 12 kërcime, 6 topa të rrëmbyer, 5 asistime, e 4 bllokada, derisa u ndihmua edhe nga Art Islamaj me 21 pikë, 9 kërcime, 4 asistime e 3 topa të rrëmbyer.
Te Borea i vetmi me pikë dyshifrore ishte Albin Berisha. Ai luajti me 18 pikë e 7 kërcime, por nuk mjaftoi për fitore.
Kjo ishte një fitore e rëndësishme për Prishtinën e Re, për ta mbajtur hapin për Play Off. Prishtina e Re ka bilanc prej 5 fitoreve e 4 humbjeve dhe gjendet në pozitën e pestë, kurse Borea me 4 fitore e 4 humbje me një ndeshje më pak gjendet në pozitën e tetë.