TREPÇA - SIGAL PRISHTINA
Prishtina fiton derbin e parë
6 November, 2016 @19:41
Kampionja në fuqi, Sigal Prishtina, ka arritur të fitojë derbin e parë të këtij edicioni në Superligë.
Bardhekaltërit, të cilët më parë ishin mposhtur në derbit kundër Bashkimit dhe Pejës, kësaj radhe nuk gabuan duke fituar në palestrën e nxehtë të “Minatorit” në përballje me rivalin e vjetër, Trepçën.
I gjithë fokusi në fillim të ndeshjes ishte kah Drilon Hajrizi, i cili luajti para ish përkrahësve të tij me fanellën më të urryer të tyre, ku për shkak të kësaj u fye vazhdimisht nga tifozët mitrovicas.
Çereku i parë i ndeshjes kaloi me dominimin e Trepçës, e cila e përmbylli këtë periudhë me rezultat 21-16.
Më pas mysafirët morrën kontrollin e lojës, duke kaluar në epërsi, të cilën e ruajtën deri në fund të takimit.
Për Trepçën në këtë ndeshje nuk luajtën vëllezërit Zekiqi, Samiri dhe Burimi, për shkak të konfliktit në ndeshjen e fundit me drejtuesit e klubit.
Më i dalluari në fitoren e sontme të Prishtinës ishte amerikani Malcolm Rhett, i cili shënoi 21 pikë dhe kishte 5 kërcime, derisa te Trepça u dallua Besnik Azemi me 15 pikë e 6 kërcime.
Njeriu i veçantë i këtij takimi, Drilon Hajrizi, e përmbylli me 10 pikë, 3 kërcime e 4 asistime.
Kjo është fitorja e tretë e Sigal Prishtinës në pesë ndeshje të Superligës, ndërsa Trepça, e cila ka një ndeshje më shumë, e pësoi humbjen e tretë.
TREPÇA
| 1 | Besnik Azemi (32:34) | 15 pikë | 6 kërcime | - |
| 2 | Frederic Stutz (21:26) | 11 pikë | 4 kërcime | - |
| 3 | Montrael Scott (30:54) | 10 pikë | 5 kërcime | 7 asistime |
| 4 | Mise Diminic (18:33) | 8 pikë | 1 asistim | - |
| 5 | Jeremy Wise (23:18) | 6 pikë | 2 kërcime | - |
| 6 | Nikola Ljujic (21:56) | 4 pikë | 2 kërcime | 2 asistime |
| 7 | Arian Mehmeti (12:22) | 3 pikë | 2 kërcime | 1 asistim |
| 8 | Valdrin Haxhiu (16:31) | 2 pikë | - | - |
| 9 | Albelard Rashiti (15:11) | 0 pikë | 2 kërcime | - |
| 10 | Agon Selmani (7:09) | 0 pikë | 1 asistim | - |
| 11 | Arian Tahiri | - | - | - |
| 12 | Rinor Selmani | - | - | - |
SIGAL PRISHTINA
| 1 | Malcolm Rhett (34:58) | 21 pikë | 5 kërcime | - |
| 2 | Jabarie Hinds (16:59) | 12 pikë | 1 kërcim | - |
| 3 | Drilon Hajrizi (27:59) | 10 pikë | 3 kërcime | 4 asistime |
| 4 | Andrew Lawrence (23:00) | 10 pikë | 1 kërcim | 6 asistime |
| 5 | Marcel Jones (11:36) | 9 pikë | 2 kërcime | - |
| 6 | Granit Rugova (14:37) | 7 pikë | - | - |
| 7 | Bojan Trajkovski (18:31) | 5 pikë | 4 kërcime | 1 asistim |
| 8 | Fisnik Rugova (23:19) | 0 pikë | 4 kërcime | - |
| 9 | Edmond Azemi (12:10) | 0 pikë | 1 asistim | - |
| 10 | Etnik Peci (5:57) | 0 pikë | - | - |
| 11 | Rinor Peci (10:49) | 0 pikë | - | - |
