SPURS vs CLIPPERS
Spurs mposhtet në shtëpi nga Clippers
6 November, 2016 @9:36
Dy skuadrat e fuqishme të Konferencës Perëndimore, San Antonio Spurs dhe Los Angeles Clippers, sot u përballën në AT&T Center.
San Antonio Spurs, ia nisi ndeshjes me një seri prej 8-0, por Clippers është këndellur shpejt për ta ngushtuar rezultatin dhe kah fundi i çerekut të parë e ngriti lojën për të arritur në një epërsi komfore dhe nuk e lëshoi më, për ta mposhtur kundërshtarin me rezultat 116-92.
Te Los Angeles Clippers, më efikasi ka qenë Blake Griffin, i cili luajti me 28 pikë, ndërsa u dallua edhe Mareese Spieghts nga banka duke shtuar 15 pikë të tjera për skuadrën.
Te Spurs u dallua LaMarcus Aldridge me 19 pikë, ndërsa Kawhi Leonard u ndal në 14 pikë.
Me këtë fitore, skuadra e trajnerit Doc Rivers është ngritur në krye të Konferencës Perëndimore, me 5 fitore e një humbje. Kurse Spurs ka 5 fitore e dy humbje deri më tani.
