SUPERDERBI
Prishtina kërkon revansh ndaj Pejës
26 November, 2016 @10:47
Sonte zhvillohet superderbi i basketbollit vendor, ku Sigal Prishtina pret Pejën në Pallatin e Rinisë dhe të Sporteve. Ndeshja nis në ora 19, ndërsa Sigal Prishtina do të kërkojë revansh ndaj verdhezinjëve, që i mposhtën në duelin e parë të stinorit të zhvilluar në “Karagaç”.
Ndeshja e parë mes dy skuadrave në fjalë ka arsyetuar epitetin duke shkuar në vazhdime ku në fund pat fituar Peja.
RAPORTI I NDESHJES SË KALUAR, PEJA-PRISHTINA
Aktualisht, para ndeshjes së sotme, Peja vazhdon të mbetet e pamposhtur në Superligë me bilanc 6-0, ndërsa Sigal Prishtina ka bilanc 5-2 (një humbje nga Bashkimi dhe një nga Peja, të dyja si mysafire).
