KNICKS vs HORNETS
Carmelo përmirëson gabimin në vazhdime
26 November, 2016 @10:06
Të pranishmit në Madison Square Garden e përjetuan ndeshjen New York Knicks - Charlotte Hornets me plot emocione.
Carmelo Anthony gjatë rezultatit 104-104, e kishte rastin për ta përfunduar ndeshjen më heret por fati nuk ishte afër tij, ngase topi doli nga rrethi për ta dërguar ndeshjen në vazhdime.
Në vazhdime, Carmelo përsëri e morri iniciativën për ta përfunduar ndeshjen e kësaj radhe e arriti qëllimin dhe ia solli fitoren skuadrës me rezultat 113-111.
Anthony shkëlqeu me 35 pikë, 14 kërcime e 5 asistime, derisa u ndihmua edhe nga Derrick Rose (16 pikë, 5 asistime) e Kristaps Porzingis (16 pikë, 8 kërcime).
Në anën tjetër më i miri ishte italiani Marco Belinelli me 19 pikë të shënuara.
Knicks me këtë fitore arriti bilancin prej 8 fitoreve e 7 humbjeve, derisa të njejtin bilanc e ka edhe Hornets.
